Morgunvaktin

Il trovatore, Rigoletto og La traviata.

Magnús Lyngdal kom til okkar í spjall um sígilda tónlist og viðfangsefni dagsins var enginn annar en sænski tenórsöngvarinn Jussi Björling. Hann er mikið uppáhald margra og auk þess að segja frá honum lékum við sérvalin tóndæmi frá farsælum ferli Jussi.

Og svo var það sígilda tónlistin á föstudegi. Í dag fjallaði Magnús Lyngdal um Henry Purcell, eitt helsta tónskáld Breta.

Í umfjöllun um sígilda tónlist sagði Magnús Lyngdal frá enska hljómsveitarstjóranum Sir Thomas Beecham og lék brot úr verkum.

Svo var Magnús Lyngdal með okkur. Hann hélt uppteknum hætti og fjallaði um sígilda tónlist. Við heyrðum meðal annars í Angelu Gheorghiu og Jose Carreras í dag.

Sígilda tónlistin átti svo hug okkar allan milli hálf níu og níu. Magnús Lyngdal leiðir okkur í allan sannleika um rússneska tónskáldið Nikolai Rimsky-Korsakov og einkum verkið Scheherazade sem Rimsky-Korsakov samdi 1888.

Austur-evrópsku tónskáldin Leoš Janáček og Zoltán Kodály voru umfjöllunarefni Magnúsar Lyngdal í spjalli um sígilda tónlist í dag. Báðir nýttu þjóðlagaarfinn mikið í verkum sínum.

Magnús Lyngdal fjallaði um sígilda tónlist.

Magnús Lyngdal var svo með umfjöllun um sígilda tónlist. Shostakocich er viðfangsefni dagsins - Magnús sagði okkur frá tónskáldinu frá Pétursborg og lék brot úr nokkrum verkum.

Magnús Lyngdal kom til okkar í síðasta hluta þáttarins og sagði frá fiðluleikaranum Idu Haendel.

Magnús Lyngdal Magnússon var svo með okkur í síðasta hluta þáttarins og sagði frá Giuseppe Di Stefano, ítalska tenórsöngvaranum, sem sumir segja að hafi haft fegurstu rödd allra söngvara.

Magnús Lyngdal sagði frá og leyfði okkur að heyra balletttónlist í síðasta hluta þáttarins.

Svo var það sígilda tónlistin. Í dag fjallaði Magnús Lyngdal um óperu Humperdinck-systkinana sem færðu ævintýri Grimm-bræðra um Hans og Grétu á svið óperuhúsa undir lok nítjándu aldar.

Magnús Lyngdal sagði frá og leyfði okkur að heyra brot úr verkum Gustavs Mahler.

Svo var það sígilda tónlistin. Magnús Lyngdal fjallaði um nokkrar óperur, við heyrðum brot úr óperum eftir t.d. Verdi, Wagner og Puccini, og í ýmsum flytjendum, t.d. Placido Domingo, Elinoru Buratto og Vínar-Fílharmoníunni.

Við fjölluðum um tvo listamenn og verk þeirra. Fyrst Ósvald Knudsen og kvikmyndagerð hans; Gunnar Tómas Kristófersson hjá Kvikmyndasafninu sagði okkur frá honum, og svo Johann Sebastian Bach; Magnús Lyngdal fjallaði um Passíurnar hans sem hann kenndi við Matteus og Jóhannes.

Tónlist Camile Saint-Saëns var á dagskránni þegar Magnús Lyngdal kom til okkar og sagði frá frá franska tónskáldinu og lék fyrir okkur brot úr nokkrum verkum.

Í spjalli um sígilda tónlist sagði Magnús Lyngdal frá Antonin Dvorak og lék brot úr nokkrum verka hans.

Og svo var það sígilda tónlistin. Magnús Lyngdal hélt áfram leiðsögn sinni á Morgunvaktinni um tónlistarsöguna.

Og svo var það sígilda tónlistin með Magnúsi Lyngdal. Magnús fjallaði um Johannes Brahms í spjalli um klassík þennan morguninn.

Magnús Lyngdal sagði okkur svo frá Ludwig van Beethoven og lék brot úr píanókonsertum hans.

Og svo var það klassíkin. Magnús Lyngdal sagði okkur frá tónskáldinu finnska, Jean Sibelius, og kynnti okkur fyrir verkum hans.

Eiginlegir strengir voru svo stroknir þegar Magnús Lyngdal fjallaði um sígilda tónlist. Að þessu sinni voru strengirnir reyndar í aukahlutverki; blásturshljóðfæri áttu sviðið í dag.

Magnús Lyngdal Magnússon spilaði brot úr verkum með ítalska söngvaranum Franco Corelli, sem var bæði dáður og umdeildur, og átti mjög erfitt með að koma fram.

Magnús Lyngdal sagði okkur frá bresk-bandaríska hljómsveitarstjóranum Leopold Stokowski í spjalli um sígilda tónlist. Hann stýrði Fíladelfíu-hljómsveitinni í hátt í þrjá áratugi.

Svo var það sígilda tónlistin. Að þessu sinni lék Magnús Lyngdal fyrir okkur brot úr óperum Puccini og sagði okkur frá tónskáldinu sem kunni þá list betur en flestir að semja fallegar og grípandi laglínur.

Magnús Lyngdal kynnti okkur verk Antons Bruckner, þeim má lýsa með tveimur orðum; gullfalleg og kraftmikil. En það er víst ekki sama – að mati Magnúsar - hver útsetur og flytur.

Svo var hugað að líðan. Skammdegið er mörgum erfitt. Ingrid Kuhlman sálfræðingur gaf okkur góð ráð til að líða betur - það þarf ekki að vera flókið ef vel er að gáð; og svo yljaði Magnús Lyngdal okkur með fallegri tónlist; að þessu sinni eftir Chopin.

Og í síðasta hluta þáttarins lyftum við andanum. Magnús Lyngdal Magnússon kom með fallega píanókonserta með sér í dag.